3M Versaflo TR-802E Notice D'utilisation page 52

i
NOTENDALEIÐBEININGAR
Lesið þessar leiðbeiningar samhliða sérleiðbeiningum með 3M™ Versaflo™
TR-802E loftdælunni þar sem finna má upplýsingar um:
• Samþykktar samsetningar höfuðstykkja
• Varahluti
• Aukahluti
UMBÚÐIR FJARLÆGÐAR
3M™ Versaflo™ TR-802E loftdælan ætti að innihalda: a) Loftdælu, b)
Loftflæðivísi, c) Notendaleiðbeiningar, d) Sérleiðbeiningar
^ VIÐVÖRUN
Rétt val, þjálfun, notkun og viðeigandi viðhald eru allt nauðsynlegir
þættir til að varan geti varið notandann fyrir tilteknum aðskotaefnum í
lofti. Ef öllum notkunarleiðbeiningum þessarar öndunarhlífar er ekki
fylgt og/eða ef hún er ekki höfð rétt á í heild sinni allan váhrifatímann
getur það haft alvarleg áhrif á heilsufar notandans og leitt til alvarlegra
eða lífshættulegra sjúkdóma eða varanlegrar fötlunar.
Til að varan henti og sé notuð rétt skal fylgja staðbundnum reglugerðum, fara
eftir öllum upplýsingum sem með henni fylgja eða hafa samband við
öryggissérfræðing/fulltrúa 3M (upplýsingar um tengiliði á staðnum).
^ Veitið viðvörunaryfirlýsingum sérstaka athygli þar sem í þær er
vísað.
KERFISLÝSING
3M™ Versaflo™ TR-802E loftdælan er hönnuð til notkunar með einu af
samþykktu höfuðstykkjunum (sjá sérleiðbeiningar). Varan uppfyllir kröfur EN
12941 (öndunarfærahlífar – síur með dælu). Loftdæluna skal nota með
rafhlöðupakka (TR-830) og fjölbreyttu úrvali sameinaðra agna-/gas- og
gufusía eða agnasía (með viðbættri vörn gegn óþægilegri lykt). Hægt er að
stilla loftdæluna handvirkt á þrenns konar loftflæði (venjulegt, miðlungs eða
mikið). Hún er einnig búin rafstýrieiningu sem gefur frá sér hljóðviðvörun og
sjónræna viðvörun ef rafhlaðan er að tæmast og/eða ef lítið loft flæðir inn í
höfuðstykkið. Dælan er með síuvísi sem veitir upplýsingar um ákomið magn
á agnasíu og rafhlöðuvísi sem veitir upplýsingar um hleðslu rafhlöðunnar.
Samsetta TR-802E loftdælu er einnig hægt að nota á sprengihættustöðum.
Frekari upplýsingar um ATEX-flokkun má finna í köflunum fyrir merkingar á
búnaði og tæknilýsingar.
^ Hleðsluvísir síunnar er aðeins fyrir agnir. Hann veitir ekki upplýsingar um
endingartíma fyrir gas og gufu.
^ VIÐVARANIR OG TAKMARKANIR
Notið þetta öndunarhlífakerfi eingöngu í samræmi við allar leiðbeiningar:
• sem er að finna í þessum bæklingi
• sem fylgja öðrum íhlutum kerfisins (t.d. sérleiðbeiningar með TR-802E
loftdælu, notendaleiðbeiningar með síu og notendaleiðbeiningar með
höfuðstykki).
Notið ekki í meiri styrkleika aðskotaefna en tilgreint er í
notendaleiðbeiningunum með höfuðstykkinu.
Notið ekki sem öndunarhlíf gagnvart óþekktum aðskotaefnum í lofti eða
þegar styrkur aðskotaefna er óþekktur eða umsvifalaust hættulegur lífi eða
heilsu (IDLH).
Notið ekki í andrúmslofti þar sem súrefnisinnihald er minna en 19,5%.
(Skilgreining frá 3M. Í hverju landi fyrir sig kunna að vera í gildi aðrar
takmarkanir hvað varðar súrefnisskort. Leitið ráða ef vafi leikur á málum).
Notið aðeins með höfuðstykkjum og varahlutum/fylgihlutum sem talin eru
upp í sérleiðbeiningum og innan þeirra notkunarskilyrða sem fram koma í
tækniforskriftinni.
Notist aðeins af þjálfuðu og hæfu starfsfólki.
Yfirgefið mengaða svæðið umsvifalaust ef:
a) Einhver hluti kerfisins skemmist,
b) Loftflæði inn í höfuðstykkið minnkar eða stöðvast,
c) Viðvaranir um lítið loftflæði eða litla hleðslu á rafhlöðu verða virkar,
d) Erfitt verður að anda,
e) Vart verður við svima eða önnur óþægindi,
f) Vart verður við lykt eða bragð af aðskotaefnum eða ertingu.
Ekki má breyta þessari vöru. Notið aðeins upprunalega varahluti frá 3M við
viðgerðir.
Ekki skal nota TR-802E loftdæluna á sprengihættustöðum sem falla ekki
undir ATEX-flokkunina í þessum notendaleiðbeiningum. Slíkt getur valdið
alvarlegum meiðslum eða dauðsföllum.
Hafið samband við tækniþjónustu 3M vegna notkunar í sterku segulsviði.
Nota skal neistavara við allar aðstæður þar sem loftdælan kann að komast í
snertingu við neista, bráðið málmefni eða aðrar heitar efnisagnir.
Efni sem geta komist í snertingu við húð notenda munu ekki valda
ofnæmisviðbrögðum nema hjá minnihluta notenda.
Varan inniheldur ekki íhluti sem gerðir eru úr náttúrulegu gúmmílatexi.
UNDIRBÚNINGUR FYRIR NOTKUN
Öndunarhlífakerfum er ætlað að draga úr váhrifum af völdum tiltekinna
aðskotaefna og þau ætti alltaf að meðhöndla af varúð og skoða vandlega
fyrir hverja notkun. Gangið úr skugga um að búnaðurinn sé heill, óskaddaður
og rétt settur saman. Ef einhverjir hlutar hans reynast skemmdir eða gallaðir
verður að endurnýja þá með upprunalegum 3M-varahlutum fyrir notkun.
Framkvæmið skoðun á höfuðstykkissamstæðunni fyrir hverja notkun, eins og
lýst er í viðeigandi notendaleiðbeiningum.
Rafhlaða
Skoðið rafhlöðuhólfið, lamirnar, klinkuna og rafskautapinnana í TR-830
rafhlöðupakkanum og skiptið um rafhlöðu ef eitthvað af þessu er skemmt.
Rafhlöðuna ætti að hlaða strax eftir móttöku eins og lýst er á umbúðum
vörunnar (sjá mynd 1).
^ TR-830 rafhlöðupakkinn er eingöngu sjálftryggur þegar hann er tengdur
við TR-802E loftdælu. Til að draga úr hættu á íkveikju í eldfimu eða
sprengifimu andrúmslofti má aðeins skipta um rafhlöður á stað sem búið er
að ganga úr skugga um að sé skaðlaus. Farið aldrei með þessa rafhlöðu
eina og sér inn á svæði sem er eld- eða sprengifimt. Slíkt getur valdið
alvarlegum meiðslum eða dauðsföllum.
^ Hleðslutækin fyrir þetta kerfi eru ekki sjálftrygg. Hlaðið ekki TR-830
rafhlöðupakkann á svæði sem er eld- eða sprengifimt. Slíkt getur valdið
alvarlegum meiðslum eða dauðsföllum. Leiðbeiningar um rafhlöðuskipti eru í
notendaleiðbeiningunum sem fylgja rafhlöðuhleðslusettinu. Rafhlöðuhleðslan
birtist þegar ýtt er á rafhlöðuvísinn, eins og sýnt er á mynd 2. (1 stika = minna
en 20%, 5 stikur = 80 til 100%). Samskonar rafhlöðuvísir er einnig á skjá
loftdælunnar. Krækið löm rafhlöðupakkans í haldarann neðst á einingunni.
Ýtið festingarhlið rafhlöðupakkans inn í loftdæluna og festið með 3/32 tommu
sexkanti. Notið aðeins handverkfæri – herðið ekki of mikið. Togið varlega í
rafhlöðuna til að staðfesta að hún sé föst.
Síur
Veljið síu af samþykktri gerð. (Sjá lista yfir samþykktar síur fyrir 3M í
sérleiðbeiningum með TR-802E loftdælu). Innra hringlaga þéttið er aðalþéttið
milli síunnar og loftdælunnar. Ytra byrðið hindrar inntöku óhreininda.
^ Skoðið síuna og innra þéttið áður en sían er sett upp í fyrsta sinn eða sett
upp aftur og skiptið henni/þéttinu út tafarlaust ef skemmdir finnast. Skoðið
plasthlíf síunnar vel, þ.m.t. horn hennar og klinkur. Skiptið tafarlaust um ef
vart verður við skemmdir. Ef sían dettur eða er handleikin óvarlega skal
skoða hana vel. Ef einhverjar áhyggjur vakna skal leita ráða hjá
tækniþjónustu 3M.
^ Setjið síuna alltaf upp í loftdælunni með réttum hætti.
Tryggið að slökkt sé á loftdælunni. Sían er sett í með því að setja vinstri hlið
hennar í festingu loftdælunnar og smella hægri hliðinni á sinn stað (sjá mynd
3). Togið varlega í síuna til að tryggja að hún sé föst á báðum hliðum. Einnig
er hægt að festa síuhlíf við síuna. Síur og síuhlífar eru merktar með táknum
til að auðvelt sé að þekkja þær og samhæfi þeirra. Nánari upplýsingar má
finna í sérleiðbeiningum. Notkun síuhlífarinnar er valfrjáls en ráðlögð. Hins
vegar verður að nota síuhlífina ef notaður er neistavari og/eða forsía. Skiptið
um skemmda síuhlíf. Festa skal síuhlífina áður en sían er sett í loftdæluna.
Setjið síuna í hlífina og tryggið að neðri flipinn smelli á sinn stað og að
síumerkið sé sýnilegt í síuglugganum. Setjið síðan síuna í loftdæluna eins og
sýnt er á mynd 3. Ef valfrjáls neistavari og/eða forsía er notuð skal setja
búnaðinn í síuhlífina eins og sýnt er á mynd 4A (þar er 1= síuhlíf; n2=
eistavari; 3= forsía og s4= ía). Tryggið að hökin í neistavaranum og forsíunni
standist á áður en sían er fest við. Rétta staðsetningu neistavarans og
forsíunnar má sjá á mynd 4B og 4C. Nota skal neistavara við allar aðstæður
þar sem loftdælan kann að komast í snertingu við neista, bráðið málmefni
eða aðrar heitar efnisagnir.
Prófun á loftflæði
Loftdælan er forkvörðuð til að tryggja að nauðsynlegt loftflæði sé ævinlega til
staðar. Hún bætir einnig upp breytingar í þéttleika loftsins sem getur breyst
við hækkun (hæð yfir sjávarmáli) og breytingar á lofthita. Framkvæmið
prófun á loftflæði fyrir notkun með því að nota loftflæðisvísi með slöngu eins
og sýnt er á mynd 5. Látið loftdæluna ganga í 1 mínútu og stingið svo
prófunarslöngunni inn í úttakið. Bíðið í eina mínútu í viðbót og leyfið
loftflæðinu að ná jafnvægi. Setjið prófunarslönguna í lóðrétta stöðu, gangið úr
skugga um að neðri hluti flotholtsins hvíli á, eða fyrir ofan, markið fyrir
lágmarksflæði fyrir bókstafinn sem táknar þitt „svæði" (sjá mynd 5). Til að
ákvarða svæðið þarftu að vita landhæð og hitastig í því umhverfi þar sem
prófun á loftflæði fer fram. Finndu það svæði þar sem landhæð og hitastig í
þínu umhverfi skarast á töflunni sem sýnd er á mynd 6.
Prófun á viðvörunarmerki
Viðvörunarhljóð og sjónrænt viðvörunarmerki er gefið ef loftflæðið nær
lágmarksgildi framleiðanda fyrir hönnunargerð (MMDF). Til að kanna hvort
viðvörunarmerkin virka rétt skal leggja hönd yfir úttakið á loftdælunni. Við það
ætti viðvörunarhljóð að heyrast og neðsta LED-ljósið á síutákninu að blikka í
rauðum lit.
Athugið: Mikill umhverfishávaði eða notkun heyrnarhlífa kann að valda því að
notandi heyri ekki viðvörunarhljóðin. Notendur þurfa því hugsanlega að
51