Bosch LR 1 Professional Notice Originale page 175

OBJ_DOKU-27392-004.fm Page 175 Thursday, December 17, 2015 4:56 PM
Избирање на поставката за приказ на средината
Со копчето 2 може да утврдите, со колкава точност ќе се прикаже позицијата на
ласерскиот зрак на полето за прием „средно" :
– Поставка „фино" (приказ g на екранот),
– Поставка „средно" (приказ b на екранот).
При промена на поставката за точност се слуша сигнален тон.
По вклучување на мерниот уред, секогаш е поставена точноста „средно".
Прикази за правец
Приказите Долу a, Средина f и Горе d (на предната и на задната страна на
мерниот уред) ја прикажуваат позицијата на ротирачкиот ласерски зрак на
полето за прием 6. Дополнително, позицијата може да се прикаже со сигнален
тон (види „Сигнален тон за приказ на ласерскиот зрак", страна 175).
Мерниот уред е поставен прениско: Доколку ласерскиот зрак поминува низ
горната половина на полето за прием 6, тогаш се појавува долниот приказ за
правец a на екранот.
Доколку сигналниот тон е вклучен, се слуша сигнал со бавен такт.
Движете го мерниот уред во правец на стрелката нагоре. Со доближување кон
средишната ознака 5 ќе се прикаже само врвот на приказот за правец a.
Мерниот уред е поставен превисоко: Доколку ласерскиот зрак ја преминува
долната половина на приемното поле 6, тогаш се појавува горниот приказ за
правец d на екранот.
Доколку сигналниот тон е вклучен, се слуша сигнал со забрзан такт.
Движете го мерниот уред во правец на стрелката надолу. Со доближување кон
средишната ознака 5 ќе се прикаже само врвот на приказот за правец d.
Мерниот уред е поставен во средина: Доколку ласерскиот зрак поминува низ
полето за прием 6 на висина на средишната ознака 5, светнува приказот за
средина f. При вклучен сигнален тон се слуша непрекинат тон.
Сигнален тон за приказ на ласерскиот зрак
Позицијата на ласерскиот зрак на полето за прием 6 се прикажува со сигнален
тон.
По вклучување на мерниот уред, сигналниот тон е секогаш исклучен.
При вклучување на сигналниот тон, може да изберете помеѓу две јачини на
звукот.
– За вклучување одн. менување на сигналниот тон, притискајте на копчето
Сигнален тон 3, додека не се постигне саканата јачина на звукот. При средна
јачина на звукот, приказот за сигнален тон e трепка на екранот, при повисока
јачина на звукот приказот непрекинато свети, при исклучен сигнален тон - се гаси.
Bosch Power Tools
Македонски | 175
1 609 92A 275 | (17.12.15)