itarus 3M Versaflo TR-602E Mode D'emploi page 45

i
NOTENDALEIÐBEININGAR
Lesið þessar leiðbeiningar samhliða sérleiðbeiningum með 3M™ Versaflo™
TR-602Eloftdælunni þar sem finna má upplýsingar um:
• Samþykktar samsetningar höfuðstykkja
• Varahluti
• Aukahluti
UMBÚÐIR FJARLÆGÐAR
3M™ Versaflo™ TR-602Eloftdælan ætti að innihalda:
a) loftdælu
b) loftflæðivísi
c) Notendaleiðbeiningar
d) Sérleiðbeiningar
^ VIÐVÖRUN
Rétt val, þjálfun, notkun og viðeigandi viðhald eru allt nauðsynlegir
þættir til að varan geti varið notandann fyrir tilteknum aðskotaefnum í
lofti. Ef öllum notkunarleiðbeiningum þessarar öndunarhlífar er ekki
fylgt og/eða ef hún er ekki höfð rétt á í heild sinni allan váhrifatímann
getur það haft alvarleg áhrif á heilsufar notandans og leitt til alvarlegra
eða lífshættulegra sjúkdóma eða varanlegrar fötlunar.
Til að varan henti og sé notuð rétt skal fylgja staðbundnum reglugerðum, fara
eftir öllum upplýsingum sem með henni fylgja eða hafa samband við
öryggissérfræðing/fulltrúa 3M (upplýsingar um tengiliði á staðnum).
^ Veitið viðvörunaryfirlýsingum sérstaka athygli þar sem í þær er
vísað.
KERFISLÝSING
3M™ Versaflo™ TR-602Eloftdælan er hönnuð til notkunar með einu af
samþykktu höfuðstykkjunum (sjá sérleiðbeiningar). Varan uppfyllir kröfur EN
12941 (öndunarfærahlífar – síur með dælu). Hægt er að fá loftdæluna
afhenta með hefðbundinni sparrafhlöðu (TR-630) eða afkastamikilli rafhlöðu
(TR-632) og fjölbreyttu úrvali sambyggðra agna-/gas- og gufusía eða
agnasía (með viðbættri vörn gegn óþægilegri lykt). Hægt er að stilla
loftdæluna handvirkt á þrenns konar loftflæði (venjulegt, miðlungs eða mikið).
Loftdælan er einnig búin rafrænni stjórneiningu sem gefur frá sér
hljóðviðvörun, sjónræna viðvörun og titringsviðvörun þegar rafhlaðan er að
tæmast og/eða ef lítið loft flæðir inn í andlitshlífina. Dælan er með síuvísi sem
veitir upplýsingar um ákomið magn á agnasíu og rafhlöðuvísi sem veitir
upplýsingar um hleðslu rafhlöðunnar.
^ Hleðsluvísir síunnar er aðeins fyrir agnir. Hann veitir ekki upplýsingar um
endingartíma fyrir gas og gufu.
^ VIÐVARANIR OG TAKMARKANIR
Notið þessa öndunarhlíf eingöngu í samræmi við allar leiðbeiningar:
• sem er að finna í þessum bæklingi
• sem fylgja öðrum íhlutum kerfisins. (t.d. sérleiðbeiningar með TR-602E
loftdælu, notendaleiðbeiningar með síu og notendaleiðbeiningar með
höfuðstykki).
Notið ekki þar sem styrkleiki aðskotaefna er meiri en tilgreint er í
notendaleiðbeiningunum með höfuðstykkinu.
Notið ekki sem öndunarhlíf gagnvart óþekktum aðskotaefnum í lofti eða
þegar styrkur aðskotaefna er óþekktur eða umsvifalaust hættulegur lífi eða
heilsu (IDLH).
Notið ekki í andrúmslofti þar sem súrefnisinnihald er minna en 19,5%.
(Skilgreining frá 3M. Í hverju landi fyrir sig kunna að vera í gildi aðrar
takmarkanir hvað varðar súrefnisskort. Leitið ráða ef vafi leikur á málum).
Notið þessar vörur ekki í súrefni eða súrefnisauðguðu andrúmslofti.
Notið aðeins með höfuðstykkjum og varahlutum/fylgihlutum sem talin eru
upp í sérleiðbeiningum og innan þeirra notkunarskilyrða sem fram koma í
tækniforskriftinni.
Notist aðeins af þjálfuðu og hæfu starfsfólki.
Yfirgefið mengaða svæðið umsvifalaust ef:
a) Einhver hluti kerfisins skemmist,
b) Loftflæði inn í höfuðstykkið minnkar eða stöðvast.
c) viðvaranir um lítið loftflæði eða litla hleðslu á rafhlöðu verða virkar.
d) Erfitt verður að anda,
e) Vart verður við svima eða önnur óþægindi,
f) Vart verður við lykt eða bragð af aðskotaefnum eða ertingu.
Ekki má breyta þessari vöru. Notið aðeins upprunalega varahluti frá 3M við
viðgerðir.
^ Notið þessar vörur ekki í eldfimu andrúmslofti eða á
sprengihættustöðum.
Nota skal neistavara við allar aðstæður þar sem loftdælan kann að komast í
snertingu við neista, bráðið málmefni eða aðrar heitar efnisagnir.
Hafið samband við tækniþjónustu 3M vegna notkunar í sterku segulsviði.
Efni sem geta komist í snertingu við húð notenda munu ekki valda
ofnæmisviðbrögðum nema hjá minnihluta notenda.
Þessar vörur innihalda ekki íhluti sem gerðir eru úr náttúrulegu gúmmílatexi.
UNDIRBÚNINGUR FYRIR NOTKUN
Respirator systems are intended to help reduce exposures to certain
contaminants and should always be handled with care and fully inspected
prior to use. Gangið úr skugga um að búnaðurinn sé heill, óskaddaður og rétt
settur saman. Ef einhverjir hlutar hans reynast skemmdir eða gallaðir verður
að endurnýja þá með upprunalegum 3M-varahlutum fyrir notkun.
Framkvæmið skoðun á höfuðstykkissamstæðunni fyrir hverja notkun, eins
og lýst er í viðeigandi notendaleiðbeiningum.
Rafhlaða
Veljið rafhlöðu af samþykktri gerð. (Sjá lista yfir samþykktar rafhlöðugerðir
fyrir 3M í sérleiðbeiningum með TR-602E loftdælu). Skoðið rafhlöðuhólfið,
lamirnar, krækjuna og rafskautapinnana á rafhlöðunni og skiptið um rafhlöðu
ef eitthvað af þessu er skemmt. Rafhlöðuna ætti að hlaða strax eftir móttöku
eins og lýst er á umbúðum vörunnar (sjá mynd 1). Leiðbeiningar um
rafhlöðuskipti eru í notendaleiðbeiningunum sem fylgja
rafhlöðuhleðslusettinu. Rafhlöðuhleðslan birtist þegar ýtt er á rafhlöðuvísinn,
eins og sýnt er á mynd 2. (1 stika = minna en 20%, 5 stikur = 80 til 100%).
Samskonar rafhlöðuvísir er einnig á skjá loftdælunnar. Setjið rafhlöðuna í
eins og sýnt er á mynd 3. Krækjan ætti að falla á sinn stað með smelli. Togið
varlega í rafhlöðupakkann til að ganga úr skugga um að hann hafi smollið á
sinn stað.
Síur
Veldu síu af samþykktri gerð. (Sjá lista yfir samþykktar síur fyrir 3M í
sérleiðbeiningum með TR-602E loftdælu). Innra hringlaga þéttið er aðalþéttið
milli síunnar og loftdælunnar. Ytra byrðið hindrar inntöku óhreininda.
^ Skoðið síuna og innra þéttið áður en sían er sett upp í fyrsta sinn eða sett
upp aftur og skiptið henni/þéttinu út tafarlaust ef skemmdir finnast. Skoðið
plasthlíf síunnar vel, þ.m.t. horn hennar og klinkur. Skiptið tafarlaust um ef
vart verður við skemmdir.
Ef sían dettur eða er handleikin óvarlega skal skoða hana vel. Ef einhverjar
áhyggjur vakna skal leita ráða hjá tækniþjónustu 3M.
^ Setjið síuna alltaf upp í loftdælunni með réttum hætti. Tryggið að slökkt sé
á loftdælunni.
Sían er sett í með því að setja vinstri hlið hennar í festingu loftdælunnar og
smella hægri hliðinni á sinn stað (sjá mynd 4). Togið varlega í síuna til að
tryggja að hún sé föst á báðum hliðum. Einnig er hægt að festa síuhlíf við
síuna. Síur og síuhlífar eru merktar með táknum til að auðvelt sé að þekkja
þær og samhæfi þeirra. Nánari upplýsingar má finna í sérleiðbeiningum.
Notkun síuhlífarinnar er valfrjáls en ráðlögð. Hins vegar verður að nota
síuhlífina ef notaður er neistavari og/eða forsía. Skiptið um skemmda síuhlíf.
Festa skal síuhlífina áður en sían er sett í loftdæluna. Setjið síuna í hlífina og
tryggið að neðri flipinn smelli á sinn stað og að síumerkið sé sýnilegt í
síuglugganum. Setjið síðan síuna í loftdæluna eins og sýnt er á mynd 4. Ef
valfrjáls neistavari og/eða forsía er notuð skal setja búnaðinn í síuhlífina eins
og sýnt er á mynd 5A= (þar er 1= síuhlíf; 2=neistavari; 3= forsía og 4sía).
Tryggið að hökin í neistavaranum og forsíunni standist á áður en sían er fest
við. Rétta staðsetningu neistavarans og forsíunnar má sjá á mynd 5B og 5C.
Nota skal neistavara við allar aðstæður þar sem loftdælan kann að komast í
snertingu við neista, bráðið málmefni eða aðrar heitar efnisagnir.
Prófun á loftflæði
Loftdælan er forkvörðuð til að tryggja að nauðsynlegt loftflæði sé ævinlega til
staðar. Hún bætir einnig upp breytingar í þéttleika loftsins sem getur breyst
við hækkun (hæð yfir sjávarmáli) og breytingar á lofthita. Framkvæmið
prófun á loftflæði fyrir notkun með því að nota loftflæðisvísi með slöngu eins
og sýnt er á mynd 6. Látið loftdæluna ganga í 1 mínútu og stingið svo
prófunarslöngunni inn í úttakið. Bíðið í eina mínútu í viðbót og leyfið
loftflæðinu að ná jafnvægi. Setjið prófunarslönguna í lóðrétta stöðu, gangið úr
skugga um að neðri hluti flotholtsins hvíli á, eða fyrir ofan, markið fyrir
lágmarksflæði fyrir bókstafinn sem táknar þitt „svæði" (sjá mynd 6). Til að
ákvarða svæðið þarftu að vita landhæð og hitastig í því umhverfi þar sem
prófun á loftflæði fer fram. Finndu það svæði þar sem landhæð og hitastig í
þínu umhverfi skarast á töflunni sem sýnd er á mynd 7.
Prófun á viðvörunarmerki
Viðvörunarhljóð, sjónrænt viðvörunarmerki og titringsviðvörun verða virk ef
loftflæðið nær því lágmarksgildi sem framleiðandi hannar hlífina fyrir
(manufacturer´s minimum design flow, MMDF). Til að kanna hvort
viðvörunarmerkin virka rétt skal leggja hönd yfir úttakið á loftdælunni. Við það
ættu viðvörunarhljóð og titringsviðvörun að virkjast og neðsta LED-ljósið á
síutákninu að leiftra í rauðum lit.
thugið: Mikill umhverfishávaði eða notkun heyrnarhlífa kann að valda því að
notandi heyri ekki viðvörunarhljóðin. Þungur fatnaður eða vinna við hátt
titringsstig getur haft áhrif á það hvort notandi skynjar titringsviðvörunina.
Notendur þurfa því hugsanlega að fylgjast oftar með sjónrænum
viðvörunarmerkjum þegar unnið er í slíku umhverfi.
NOTKUNARLEIÐBEININGAR
BÚNAÐUR SETTUR Á NOTANDA
1. Veljið samþykkta gerð öndunarslöngu (sjá lista yfir samþykktar
öndunarslöngur fyrir 3M í sérleiðbeiningum með TR-602E loftdælu) og tengið
efsta hlutann við höfuðstykkissamstæðuna. Skoðið þéttið á oddmjóa
endanum á öndunarslöngunni vel (þ.e. þann enda sem er tengdur við
loftdæluna) og kannið hvort það eru sýnileg merki um slit eða skemmdir á
henni. Ef þéttið er slitið eða skemmt þarf að skipta um öndunarslönguna.
2. Setjið neðri enda öndunarslöngunnar í úttakið á loftdælunni og snúið
44