Skil 0705 AA Notice Originale page 118

g) Përdorni veglat e punës, aksesorët dhe puntot, etj.
në përputhje me këto udhëzime, duke marrë
parasysh kushtet e punës dhe punën që do të
kryhet. Përdorimi i veglave për përdorime të ndryshme
nga ato të përcaktuara mund të shkaktojë rreziqe.
5) SHËRBIMI
a) Shërbimi i veglës së punës duhet të kryhet nga një
person i kualifikuar për riparimet duke përdorur
vetëm pjesë ndërrimi identike. Kjo gjë do të sigurojë
ruajtjen e sigurisë së veglave të punës.
UDHËZIMET E SIGURISË SPECIFIKE PËR KOSITËSET
E BARIT
SHPJEGIMI I SIMBOLEVE NË VEGËL
4 Lexoni manualin e udhëzimeve para përdorimit
5 Izolim i dyfishtë (nuk kërkohet tokëzim)
6 Mos e ekspozoni veglën në shi
7 Jini të vëmendshëm ndaj rrezikut për dëmtime nga
copat që fluturojnë përreth (mbajini personat e tjerë në
një distancë të sigurt nga zona e punës)
8 Kini kujdes nga thikat e mprehta
9 Mbajeni kordonin (zgjatues) larg nga thika rrotulluese e
prerjes
0 Thika e prerjes vazhdon të rrotullohet për pak kohë pas
fikjes së pajisjes (mos e prekni thikën në rrotullim)
! Fikeni dhe hiqeni spinën para pastrimit/mirëmbajtjes ose
nëse kordoni (zgjatues) është i dëmtuar ose i ngatërruar
@ Mos e hidhni veglën bashkë me materialet e mbetjeve
familjare
TË PËRGJITHSHME
• Shmangni përdorimin e kositëses në kopshte me lagështi
• Përdoruesi është përgjegjës për aksidentet ose rreziqet
ndaj personave të tjera ose pronës së tyre
• Mos e përdorni kurrë veglën me një mbrojtëse të pasme
me defekt ose kuti bari me defekt
• Kur përdorni veglën pa kutinë e barit, sigurohuni që
mbrojtësja e pasme të jetë në pozicionin e mbyllur
(rrezik dëmtimi nga thika prerëse që rrotullohet)
• Hiqeni gjithmonë spinën nga burimi i energjisë
- sa herë që e lini veglën të pamonitoruar
- para pastrimit të materialeve të bllokuara
- para kontrollit, pastrimit ose punimeve në vegël
- pas goditjes së një objekti të huaj
- sa herë që vegla fillon të dridhet në mënyrë jo normale
SIGURIA ELEKTRIKE
• Kontrolloni periodikisht kordonin dhe zëvendësojeni me
ndihmën e një personi të kualifikuar, nëse dëmtohet
• Kur përdorni veglën, përdorni një pajisje ndërprerëse të
diferencuar (RCD) me korrent aktivizues maksimumi 30
mA
• Përdorni kordonë të pahapur dhe të sigurt për zgjatime,
me një kapacitet 16 amper
• Përdorni vetëm kordonë zgjatues të llojeve H05VV-F ose
H05RN-F, të projektuar për përdorim në ambiente të
jashtme dhe të pajisur me një bashkues prizë-spinë
kundër ujit
• Mos e shkelni, shtypni apo tërhiqni kordonin (zgjatues)
• Mbrojeni kordonin (zgjatues) nga nxehtësia, vaji dhe anët
e mprehta
• Kontrollojeni kordonin zgjatues periodikisht dhe
zëvendësojeni, nëse dëmtohet (kordonët zgjatues të
papërshtatshëm mund të jenë të rrezikshëm)
SIGURIA PERSONALE
• Mos e përdorni veglën kur jeni zbathur ose mbani
sandale të hapura; vishni gjithmonë këpucë të ashpra
dhe pantallona të gjata
• Familjarizohuni me komandat dhe përdorimin e saktë të
veglës
• Mos kositni kurrë shumë afër personave (veçanërisht
fëmijëve) dhe kafshëve
• Mbajini gjithmonë duart dhe këmbët larg nga pjesët
rrotulluese
• Qëndroni gjithmonë larg nga e çara e shkarkimit
• Ndizeni motorin sipas udhëzimeve dhe me këmbët mjaft
larg nga thika prerëse
• Kjo pajisje nuk është projektuar për t'u përdorur nga
persona (përfshirë fëmijët) me kapacitete të
zvogëluara fizike, ndijore ose mendore, ose me
mungesë të përvojës dhe njohurive, nëse nuk janë
udhëzuar ose mbikëqyrur në lidhje me përdorimin e
pajisjes nga një person përgjegjës për sigurinë e
tyre (rregullat lokale mund ta kufizojnë moshën e
përdoruesit)
• Sigurohuni që fëmijët të mos luajnë me pajisjen
• Përdoreni kositësen vetëm me shpejtësinë e ecjes (mos
vraponi)
• Vendosini mirë këmbët në vende të pjerrëta dhe mos
kositni në pjerrësi shumë të madhe
• Kini shumë kujdes kur lëvizni mbrapsht ose kur e tërhiqni
kositësen drejt vetes
PARA PËRDORIMIT
• Kontrolloni funksionimin e pajisjes para çdo përdorimi
dhe, në rast defekti, riparojeni nga një person i
kualifikuar; mos e hapni kurrë vetë pajisjen
• Kontrolloni plotësisht zonën ku do të përdoret kositësja
dhe hiqni të gjitha objektet e forta që mund të kapen dhe
të hidhen nga mekanizmi i prerjes
• Sigurohuni gjithmonë që mekanizmi i prerjes të jetë në
gjendje të mirë pune (pjesët e konsumuara ose të
dëmtuara janë zëvendësuar)
• Shikoni që të gjitha dadot, bulonat dhe vidat janë të
shtrënguara për të qenë të sigurt që kositësja është në
kushte të sigurta pune
GJATË PËRDORIMIT
• Kositni vetëm me dritë të mjaftueshme gjatë ditës ose me
një dritë të përshtatshme artificiale
• Mos e anoni veglën kur ndizni motorin ose filloni punën,
përveç se kur vegla duhet të anohet për të punuar në bar
të gjatë (në një rast të tillë mos e anoni më shumë nga sa
është absolutisht e nevojshme dhe anoni vetëm pjesën
që është larg përdoruesit); sigurohuni gjithmonë që të
dyja duart të jenë në pozicionin e punës para se ta ktheni
veglën në tokë
• Sigurohuni që thika prerëse të ketë ndaluar plotësisht kur
e anoni veglën kur kaloni mbi sipërfaqe jo me bar dhe kur
e transportoni në zonën që duhet të kositet
• Kositni përgjatë faqes së pjerrësise (asnjëherë larg dhe
poshtë)
• Kini shumë kujdes kur ndryshoni drejtimin në pjerrësi
• Mos e merrni apo transportoni kositësen kur motori është
në punë
• Fikeni gjithmonë veglën dhe hiqeni spinën nga burimi i
energjisë nëse kordoni elektrik ose kordoni zgjatues
është prerë, dëmtuar ose ngatërruar (mos e prekni
kordonin para se të hiqni spinën)
118